بسم الله الرحمن الرحيم
شعر
حزب الكنبه
قاعدين ليل نهار ... تلعنوا وتسبوا ف الثوار
اتحرك ياحته حمار ... شوف جرى ف البلد ايه
عمال احركك تقللى استنى ... هسمع زى الاطرش واتهنى
استنيتكم كتير مش حبه ... طلعتوا (....) ابونا يا حزب الكنبه
خدتوا ع القعده والسكات... زى العبيد مش فارقه الحياه من الممات
الحريه دى مش ف قلوبكم ... والانتخه والغيره م اللى حرروا بلادكم
قال ايه رجاله بشنبات... لازقين ف الكنبه بثبات
جنب قلوب الستات ... والمجلس بيموت ف ولادكم
اجى اتناقش بصراحه... يردوا وبكل وقاحه
يقلبوا الحقايق بمناحه ... خربتوا االبلد ليه
حزب كنبه ده ولا بهايم ... مهما كسبنا ف غنايم
ولا دمنا قدامهم سايل ... هان عليهم وقالوا هايل
ضحك عليهم التليفزيون المصرى ... اخباره مفبركه وكدابه حصرى
لكن ليه بعيونهم مبيشفوش... ف كلام الثوار مبيصدقوش
قلوبهم اتعمت مبيحسوش
اهلينا انتوا ؟ طب ليه فينا دبحتوا
ف كلام ساذج صدقتوا ... وتقولوا انتوا عيال مبتفهموش سياسه
ايه هو تاريخ سياستكم ... اب وعم وخال وخالتكم
روحوا اتنيلوا ع خيبتكم ... متهبطوش من عزيمتنا ف الخباسه
اخركم كلام وبس ... وقت الجد مفيش حس
احنا القوه والرجوله... احنا الثوره المقتوله
كفايه بسببكم شربين المر... سكتوا سنين والعمر يمر
وادينا منفوخين ولا شىء بيسر... وكمان جايين تشتمونا ؟؟؟؟؟؟؟
شهدا وجرحى عشان حريه... وانت يا كنبه بتشتم فيا
هحرر بلدى استنى عليا ... وقتها ع الراس هتشيلونا
اخر كلامى دعاء
اللهم ان جنودنا خزلونا فابعث لنا بجنودك ينصرونا
الشاعر
عمر شميس
ليست هناك تعليقات:
إرسال تعليق