قابلته صدفه ... عمر شميس

بسم الله الرحمن الرحيم

اغنيه

قابلته صدفه

عامل نفسى ناسيه

وبمثل ع كل البشر

مخبى  ليالى السهر

قلبى بيتمنى يلاقيه

ف يوم قابلته صدفه ...عيونه لقتها خايفه

تبص ف عيونى

بان عليا فجأه ...انها جوايا لجأه

ليها بقى رجعونى

مش قادر انساها ... قصدى مش عارف

اعمل نفسى ناسيها

بموت وهى معاها ... حبيب ياقلبى شايف

وبرضوا مش ناسيها

اعذرونى قولوا لقلبى

حاول عليها تقسى

لازم تعيش وتنسى

ياتموت وتخبى

انك ف يوم قابلته صدفه ... دى مبقتش حتى عارفه

لون وشكل ملامحى

دموعى خلاص فضحتنى ... ونظراتها ليا خلتنى

اتمنى اقتل جوايا جرحى

مش قادر انساها ... قصدى مش عارف

اعمل نفسى ناسيها

بموت وهى معاها ... حبيب ياقلبى شايف

وبرضوا مش ناسيها

 الشاعر

عمر شميس 

وشوش كتير

بسم الله الرحمن الرحيم

وشوش كتير

ميت الف لون .. تحت الجفون 

لون له ضحكه .. وملهوش سكه

ولون مكشر .. بس طيب

وغضبه ع تكه 

ولون مثالى .. بس عالى 

لو قابلته .. هاتلى منه حته 

لون مغرور وعايش الدور

وده فاته القطر وملوش دور 

ولون حقودى .. اسمه دودى

وملبسينه طرطور 

لون كده هادى ... شكله عادى 

ده بقى شطور 

لون غريب .. شكله عجيب

مش عاجبه حاجه 

طيب سعات ..شرس اوقات

وعايشها بسذاجه 

وشوش الناس .. الوان كتير 

وشوش غلابانه ووشوش جعانه 

مرمين وسط الوشوش 

بنلون فيهم بلون مغشوش 

حبيبنا واهلينا وقت السياسه

بننساهم وقت الفرح ليه؟؟؟

بنصنف ونخون ونأمن عشان ايه

هو احنا انهى لون ... ومين بيشوف العيون

مين بيلون فينا .. ومين بيكدب عنينا 

فرق وجمع واحكم علينا 

بس بنحكم زيك كمان ... عندنا عقل اسمه عقل انسان

هتلون قلوبنا هتكون متلون ... ومن اللى فيهم بتلون 

هتكون الضربه

معقوله

بسم الله الرحمن الرحيم

معقوله 

مكنتش متخيل حبها كده ... غيره وحنان بالشكل ده 

اضيقها واكشر تضحكلى ... تقوللى بحبك بروحى وعقلى 

اروح استخبى ف حضنها ... واسمع ف همس قلبها 

يقوللى بحبك مهما عملت فيا 

معقووووووووووله حبيت ... بعد ما لغيرها انا ضحيت 

وعشت قصه سذاجه ... جت تدينى كل حاجه 

بجـــــــــــد هدمـــــــــع .... م الفرحه ل قلبها هسمع 

هقولها صبرتى كتير اوى عليا 

مش زى كل البنات ... ف هدؤها قمه السكات 

ف كلامها اجمل افيهات ... ضحكتها بتنسينى الاهات 

اقول فيها ايه تانى 

حبيت اقولك ع اللى جوايا ... يافرحتى وعمرى وهوايا 

واقول سبحان الله ... حسيتك شريكتى ف الحياه 

من اول يوم شافتك عينى ... لقيت فيكى فرحه سنينى 

واتمنيت اقولك ع اللى حسيتــــــــــــه 

اقرى كلامى وابتسمى ... واوعى عليا كده تترسمى 

برضوا انا حته من قلبك ... والقلب البرىء اللى حبك 

ولا ف يوم تتجننى ... تترمى ف حضنى وتطمنى 

قدام الناس هقول حبيتــــــــــــــــــــــه

مش زى كل البنات ... ف هدؤها قمه السكات 

ف كلامها اجمل افيهات ... ضحكتها بتنسينى الاهات 

اقول فيها ايه تانى 

الشاعر 

عمر شميس 

جرى ايه يا قلبى

بسم الله الرحمن الرحيم

جرى ايه يا قلبى مالك ... متعذب كده ليه

فاكر الذكريات وناسى حالك.... وبتدمع ديما عليه

مبلومش نفسى بس ... جوايا الف كلمه

بصرخ من غير حس ... يرضى مين ده بالذمه

حبيت قوى وباخلاص ... شفت ف عنيها معنى الاحساس

وقفت جنبى ضد كل الناس ... خدوها منى وكسرونى منهم لله

حقيقه انا زعلان ومستغرب ... بعد ما احبها ومنها اقرب

قال ايه يقولوا انى م المسؤليه بتهرب ... والله بصرخ عليها الف ااااه

ولا قادر اسمع صوتها ... ولا حتى اشوف صورتها

خلوا كلامها ليا ذكريات ... هعيش بيها ليالى فى سعات

واقول ليه كلامك متحققش

هبعد عن كل العيون ... والملم جراحى بضلوعى

اموت عندى احسن واهون ... ان الناس تشوف دموعى

ولو قابلنى الحب تانى ..هقول لقلبى متصدقش

حبيت قوى وباخلاص ... شفت ف عنيها معنى الاحساس

وقفت جنبى ضد كل الناس ... خدوها منى وكسرونى منهم لله

حقيقه انا زعلان ومستغرب ... بعد ما احبها ومنها اقرب

قال ايه يقولوا انى م المسؤليه بتهرب ... والله بصرخ عليها الف ااااه

 الشاعر 

عمر شميس