مكنش وقته

مكنش وقته حبيبى ... ترمينى وسط النار

راضيتك وقولت نصيبى ... سبتنى وحدى محتار

صدمه ومش قادر اتحملها ... قالولى انك مش ليا

اسؤ لحظه مكنتش اتخيلها ... يخطفوك من بين ايديا

مكنش وقته المواجهه ... وانا لسه شاب متخرج

اهلك جرحونى فجأه ... افتكرونى جاى ليهم اهرج

اكمنى قلبى حبك ... لكنى معيش شقه وعربيه

قالوا الذنب ذنبك ... بنتنا ليك احلام خياليه

اول مره احب بجد ... يكون كده ليا الرد

قلبك حبيبى بقى للبيع ... هيسبوك لاى حد

مش مهم حبنا ... موتوا فينا حلمنا

عاتب عليك حبيبى مقولتليش ان قلبك للبيع

كنت عملت حسابى ... وخدت الشقه والعربيه من بابى

اسف دى مش تريقه ... اصلى قابلت ناس غاويين شقلبه

فاكرين قلبك وقلبى ... يخدوهم كده مهزقه

مكنش وقته المواجهه ... وانا لسه شاب متخرج

اهلك جرحونى فجأه ... افتكرونى جاى ليهم اهرج

اكمنى قلبى حبك ... لكنى معيش شقه وعربيه

قالوا الذنب ذنبك ... بنتنا ليك احلام خياليه

ااااااااااه من قلبى الموجوع ... عليك ببكى دموع

نفسى اسمع صوتك بس

ياريت اقدر اخطفك ... هجيلك تانى واشرفك

هكون جاهز واخدك منهم باعلى حس 

الشاعر 

عمر شميس 

لمس قلبى

بسم الله الرحمن الرحيم

اسم الاغنيه

لمس قلبى

عمال ادارى واخبى ... طاير م الفرحه وانتى جنبى

سحر عنيكى لمس قلبى ... وقللى كلام كتيييييييير

فجأه لقيت دقات ... بدات جوايا وف سعات

اتولدت ف حياتى حجات ... حسيت قلبى بيطير

راحه شفتها ف قربك ... خلتنى اسرح ف عيونك

وسمعت همسات قلبك ... وحلفت بعمرى لاصونك

اوعى عنى تبعدى ... وف حياتى تهددى

مقدرش استغنى عنك ... حاسس نفسى منك

تعبت خلاص

بسم الله الرحمن الرحيم

اغنيه

(تعبت خلاص )

تعبت خلاص ومش متحمل ... بقع ومين يسندنى

ع القسى والمرار مش هكمل ... نفسى حد يبعدنى

يخطفنى  للامل يخدنى

كله بيتكلم وبس ... مفيش مساعده كله هس

وانا وحدى ف الحياه... تهت وبصرخ الف اه

يارب اسمعنى وساعدنى

هحاول ومش هنكسر ... اللى محولش اكيد خسر

بس الخوف بيملانى ... وم الوحده بعانى

كله بقى همه نفسه

كل حاجه بتضيع ... والحب بقى للبيع

امتى قلبى هيرتاح... ويدوق طعم الافراح

تعبت خلاص كفايه

حواليا ناس ومش حاسين... باللى جوايا دايره السنين

احزان ورا احزان بتالم... ببعد مش قادر اتكلم

وعذابى ملهوش نهايه

هحاول ومش هنكسر ... اللى محولش اكيد خسر

بس الخوف بيملانى ... وم الوحده بعانى

كله بقى همه نفسه

ملناش حد غيرك

بسم الله الرحمن الرحيم 

ملناش حد غيرك ... معيشنا ديما فى خيرك
يا الله
ارحمنى واغفرلى برحمتك ... يا كريم دخلنى جنتك
يا الله

غلطان وبعمل زنوب ... وبرجع ليك يارب واتوب
وتسمحنى على اللى عملته ... يارب اكون فى جنتك مكتوب


نفسى اعيش عمرى كله فى العباده ... وانول شرف الشهاده
يارب بصوم واصلى وانا مشتاق ... لوجهك الكريم قلبى بيزيد اشتياق
واركع ابكى منا عينى لقبلتك ... وارفع ايدى ادعى احمينى بقدرتك
يا الله

غلطان وبعمل زنوب ... وارجع ليك يارب واتوب
وتسمحنى على اللى عملته ... يارب اكون فى جنتك مكتوب

ياقلبى احكى

بسم الله الرحمن الرحيم

اغنيه

(يا قلبى احكى)

يا قلبى احكى واكتب ... ايه حسه اوعى تكدب

متلومش نفسك وتعتب ... هما اللى غدروا بيك

قولى ع ايه ناوى ... ع السكات بقيت غاوى

مكسور وايه يداوى  ... ف جسمى منهم مخبيك

فاكر انك ليهم قريب ... عشان قالوا عليك طيب

ده انا ع نفسى بعيب ... منكم لله

يعنى ايه لما تبقوا انتوا ... بينكم غرام بالشكل ده

وعنى كده بعدتوا ... وقلبى لحبكم فده

 كنت حاسس وساكت... بنظرات كده بينكم

مشاعرى ليكم ماتت ... قلبى مات بسببكم

فاكر انك ليهم قريب ... عشان قالوا عليك طيب

ده انا ع نفسى بعيب ... منكم لله 

الشاعر عمر شميس

مش لاقى حاجه منى (شعر)

بسم الله الرحمن الرحيم 

مش لاقى حاجه منى ... تخلينى حاسس الحياه

فى شىء بعيد عنى ... بصرخ الف اه

ببص لنفسى بعيون... لقتنى جوايا تغيير

الم جوا الجفون... عايش ف الوحده اسير

 حاجه بقت غريبه... الناس شكلها مريبه

ضاعت منها الطيبه ... كل ده بقى فينا ليه

بتالم ومين يسمعنى ... شجن ف روحى بيوجعنى

اعمل ايه يعنى ... شكلى هموت ولا ايه

ااااااه يللى مش حاسين... عملين حبايبى ونسينى

وقت الامى بتداروا فين... ف الفرحه بس عارفنى 

الشاعر 

عمر شميس

يا غنوه ....ديما بغنيكى

بسم الله الرحمن الرحيم

يا غنوه ديما بغنيكى ... يا ورده تحمر ف عنيكى

يللى تعبوا ف وصفك شعرا ... وانا ف جفونك اتوه واقرى

لو ابعد لحظه قلبى ليكى يحن ... وادنن واغنى اجمل واحلى فن

تشوفينى بتغزل تسؤى بيا الظن ... اتارينى بقيت جنبك صغير السن

يا غنوه مين يغنيكى ... بكتبلها بروحى ودمى

اللحن ف قلبى يميل ... سهران يقول مواويل

ع اوتار صوتك بيتمنى ... يعيش قدامك ويتهنى

ياما نفسى ازور دارك ... وتعرفى غلاوتك ومقدارك

لو فتحوا ضلوعى يشوفوا... اسمك ف شريانى بيسرى

قلبى عليكى اعزرى خوفوا ... يشوفك تلاقيه يفرح يجرى

وبايديكى تكون انتى ..ايوه انتى ... انتى اللى ملكانى

انتى اللى شيلانى .. وكنت بعانى

من الوحده ..من الغربه .. و ف قلبك .. لقيت نفسى وعنوانى 


الشاعر 
عمر شميس 

(امل جديد)

بسم الله الرحمن الرحيم

اغنيه

( امل جديد)

امل جديد ومش منسى ... بتمنى تكون جنبى هنا

اعرفنى ده انا بيك رومانسى ... وحشتنى عنيك بقالك سنه

وبعرف اخبارك من قلبى  بس

الله ع دى نظره ... اللى لمحتها ف عنيك

يارب ناسيه ولا فاكره ... الكلمه اللى مقولتهاش قبليك

ده عشانك قلبى طلعله حس

قااااال بحبك باعلى صوت

حسسها ولا اقول كمان

ياريتنى قبلتك م زمان

واكون معاك لحد ما اموت

ياترى اللى جوايا وصلها ... حصلى نفس اللى حصلها

قولنا بحبك ف وقت واحد... وربنا ع حبنا شاهد

اسالوا قلوبنا تجاوبكم

الناس ياحبيبى بيحسدونى ... لما عنيك جت ف عيونى

ولقيتك حاسس بيا ... قولت ف سكوت اللى فيا

استغربوا بقى اذا كان عاجبكم

قااااال بحبك باعلى صوت

حسسها ولا اقول كمان

ياريتنى قبلتك م زمان

واكون معاك لحد ما اموت


الشاعر 
عمر شميس

الف سور

فاكر لحظه الوداع ... وحلم راح مننا وضاع

قادر ازاى تنسى ... وتجرح ف قلبى وتقسى

  

كل ده وانا لسه ... عاوز ارجع للى باع

كلامك ف قلبى محفور

موجود جوايا وعليه الف سور

تعالى بقى وارجع

سكن جوايا النور

دى اللحظه ف بعدك سراب ... قلبى بعدك شاف العذاب

مع انه معاك اتعذب اكتر ... ف ليالى عليا فيها بتستكبر

تخلينى اسمع همسك اللى عليا مسيطر...وانا ولا قادر اعيش ف حبك ولا اتحمل الغياب

كلامك ف قلبى محفور

موجود جوايا وعليه الف سور

تعالى بقى وارجع

سكن جوايا النور


الشاعر 
عمر شميس

بسم الله الرحمن الرحيم

اغنيه

)فين احساسى(

فين احساسى بعد ما ضاع كتير ... فين انا من زمان دلوقتى بقيت كبير

اه ع الصحبه والايام الحلوه واللمه... كل ده راح بسهوله بكلمه

فين يا نفسى الاقيكى تانى

تايه وسط دنيا ملهاش اخر...الضعيف فيها للقوى بيتاخر

شايف ناس غلابه ملهاش مكانه ... عشان تعيش بتستحمل الاهانه

وانا فين من دول مكانى

اه على القسى والمرار ... اللى مخبيه جوايا تحت الستار

ولا قادر اقول لحد ... ولو عدت كلامى تانى هموت من التكرار

معقوله بعد ما كبرت ... اشوف الحقيقه كده

ياريتنى ما كنت فهمت ... ان العمر قاسى كده

هواجه الدنيا وهتحمل ... لو مهما قابلنى هكمل

خلاص بقى عرفت ... الغدر لما يجينى مقفش اتامل

اه على القسى والمرار ... اللى مخبيه جوايا تحت الستار

ولا قادر اقول لحد ... ولو عدت كلامى تانى هموت من التكرار

حبيبى ...(حتطلى حدود)

بسم الله الرحمن الرحيم

اسم الاغنيه

(حتطلى حدود)
للامل ف الحياه

مش عارف انا مرتاح... ولا ف رحله كفاح

بحاول اوصل لقلبه ... نفسى اعيش حياتى جنبه

وهو عمال يخوفنى منه

مره يقرب منى ... وفجأه يبعد عنى

حبه اقوله بحبك .. يبتسم

 تانى اعاكسه... ع الوش التانى يترسم

مش هبعد ابدا عنه

حبيبى حتطلى حدود

 مش قادر اخطيها

خطوه ونفسى اعديها

وبينا اهد السدود

فرحان بأدبه ورقته ... اه لو تشوفوا ضحكته

من ربى كده بيخلينى ... اسهر اصلى تدمع عينى

بدعى يارب ليا خليه

ببدأ حياتى من تانى... مع قلب نقى مش انانى

اوعى يا حبيبى تزعلنى ... بحس انك مأمنى

حبيبى حتطلى حدود

 مش قادر اخطيها

خطوه ونفسى اعديها

وبينا اهد السدود 


الشاعر 
عمر شميس 

لما بشوفك....

بسم الله الرحمن الرحيم 

اسم الاغنيه

( لما بشوفك )

كده لما بشوفك ... بهمس ليك واعرف ظروفك

تعالى قرب منى ... هطمنلك خوفك

ارجع اوام

انت جنبى خلاص صدقت ... واخيرا جه الوقت

حبيبى انت فى قلبى ... معاك دلوقت

بنسى الكلام

ايوه انا منك مكسوف

وكلامى من على شفيفى بيطير

ايام انت بعيد وانا ملهوف

وعليك يا حبيبى بغير

بغير من الهوا ... حتى واحنا سوا

بجرى فى قلبك اكمنى ... قلبى منك ارتوا

وناوى كمان

اخدك بين ايديا ... وتحضن بعينك عنيا

اه يا حبيبى ... نسينى الدنيا ديا

رجعنى لزمان

ايوه انا منك مكسوف

وكلامى من على شفيفى بيطير

ايام انت بعيد وانا ملهوف

وعليك يا حبيبى بغير

الشاعر 
عمر شميس 

غيبى وارحلى

بسم الله الرحمن الرحيم

اغنيه 

(غيبى وارحلى ) 

غيبي عنى وارحلي ... هيجي وقت تندمي

لو قعدتى تاجلى ... بيا ف يوم هتحلمى

لما تشوفى هناك الناس ... بتشاور تقول ملك الاحساس 

وف ايديا حبيبه غيرك ... مش قاسيه وف تفكيرك 

غيبى وارحلى بلاش تكترى... ع قلبى كنتى بتتغيرى 

ده انتى ع القسوه بتتدربى ... ولما اسيبك منى تقربى 

فاكرانى مذلول يعنى ... اتكلم ولا تسمعنى

روحى بقيت مستغنى ... ابكى بقى وغنى 

سبنى انسان ملهوش مثيل 

والله بضحك وفرحان ... شايف دموعك سيول 

ع الاقل انا الكسبان ... خلى قلبك يقول 

سبنى انسان ملهوش مثيل 

غيبى وارحلى بلاش تكترى... ع قلبى كنتى بتتغيرى 

ده انتى ع القسوه بتتدربى ... ولما اسيبك منى تقربى 


الشاعر
عمر شميس