بسم الله الرحمن الرحيم
مشى مبارك ... جالنا مشير
قاللوا مبارك... عليك الحمير
سوقهم وامشى ... كلاب متفهمشى
يعنى حمارك ... لالا ده مشير
قولنا مشير حامى الجيش
لا ياناس ده خلاص بيشيخ
خليتوا مصر حته خيش
ومحيتوا دوركم ف التاريخ
شباب تحرير قال تغيير ..
.قتلتوا فرحته ليه
وقعنا ف ورطه ....
سببها عيال الشرطه
فنزلت يا جيش ...
تقول حميناكم وليكم نعيش
رجعنا بذكره ليكم زمان...
هزمتم عدونا ف كل مكان
يللى فرحتوا بفرحه سينا ...
ليه دلوقتى بتيجوا علينا
كنا عملنا ليكم ايييييييييييييه؟
روحت معاهم انادى حرريه
شفت رصاصه جات ف عنيا
وشهدا راحوا وقالوا بلطجيه
عمار يا جيش يا حامى الثوره
امشوا سيبونا ارجعوا ع الحدود
فرحنا بيكم يوم ما نزلتم ...
حطينا عليكم امل
كانكم معانا استشهدتم ...
كفاياكم بقى هبل
ف حياتنا مبقاش ليكم وجود
انتوا عملتوا علينا مؤامره
قتلتوا شبابكو شباب الثورة
الشاعر
عمر شميس
