بعد اللى شفته

بسم الله الرحمن الرحيم

بعد اللى شفته ... فهمت انى فعلا عرفته ...بان خلاص ع حقيقته

وقال ميعرفنيش

لو كان بس شبكنى ... بالكلمه اللى بيها وعدنى... ازاى بس يبعنى

شكله محبنيش

ليه يعنى اضحى ... وهو من قلبى يمحى

الحنين ... ومعاه الف اه

ليه فاكرنى هبكى.. وادارى جوايا ضحكى

ع مين ... ده اللى باع مش ممكن استناه

بعده هكون لوحدى ... بس الدنيا عندى ... هتكون احلى وهتعدى

وهقوله يلا سلام 

هيعيش يقاسى كتير ... ع الحب الكبير ... اللى سابه من غير

ما يرسمله الاحلام 

ليه يعنى اضحى ... وهو من قلبى يمحى

الحنين ... ومعاه الف اه

ليه فاكرنى هبكى.. وادارى جوايا ضحكى

ع مين ... ده اللى باع مش ممكن استناه

الشاعر

عمر شميس

بصيت ف عنيها

بصيت فى عنيها

بصيت فى عنيها اول ... ما فرقنا بعضنا

شفت دمعه الم بتقول ... متتخلاش عن حبنا

رعشه ايديها هزتنى .. رحت جريت على حضنها

لحظه وداع خلتنى ... ابكى سنين على بعدها

خلاص اتكتبت النهايه

وياريتنى ما رسمت البدايه

دى ذكرى مش راجعه تانى

يعنى اللى راح مش بايديا... بتلمونى ليه وانا الحزن فى عنيا

ولا عاوزانى ابقى قاسى ... واعلقها سنين وظروفى مش بايديا

ايوه دموعنا كانت وفيه ... الذكرى عايشه فيها وفيا

بعمل نفسى ناسى ... بس انتى حبيبتى مهما الدنيا مرت بيا

خلاص اتكتبت النهايه

وياريتنى ما رسمت البدايه

دى ذكرى مش راجعه تانى


الشاعر
عمر شميس