غوربوشك

بسم الله الرحمن الرحيم

غور بوشك ... مش هغشك

عبى ف كرشك ... فلوس الوطن

عامل ناصح... فعلك فادح

جهلك راسخ ... ف كل سكن

ابو العريف... فين الرغيف

جبلتنا الخفيف... كترت الفتن

بانت لبتك... واتكشفت لعبتك

قربت اخرتك... يا حته نتن

الثوره راجعه... هتفضل شمعه

اكيد واجعه ... ميتين امك          

 زى عسكرى... شخص مفترى

ضميروا منتهى ... يارب تتسجن

بيقولوا وسيم ... شكله لئيم

للفلول زعيم ... مسيروا يتطحن

25 يناير ... الشعب ثاير

غبائك غاير ... ويغور همك

ناديت تفويض ... ابعد بعيد

مفيش تعويض ... عن القتل

هتقول ايه لربك ... يوم ما يحاسبك

الزنب زنبك ... هنشوفك ف ذ ٌل 

شقى عمرى

بسم الله الرحمن الرحيم

اغنيه

(شقى عمرى  )

م القعده ربيت كرش

نفسى اهاجر واشتغل

بدل ما ف بلدى بتسحل

حوشت كل قرش

خلاص المبلغ اكتمل ... راكب طياره وبودع اهلى

دموع امى لا تحتمل ... ماسكه فيا ونبضاتها بتندهلى

خوف جوايا يارب استر ... بصبر نفسى بعيشه تانيه

وارجع م الغربه اتجوز واتستر ... هنقى عروسه بفلوسى ف ثانيه

وصلت وبشكل الناس مبهور

ادور ع شغل مفيش ..هار اسود

لقيتنى بصوت والجحيم بقى سور

شقى عمرى ضاع وسط الجحود

لا لاقى لقمه ولا بطانيه

حضن امى وسط اخواتى

ضحكوا عليا واتغربت ليه

بموت وسط غربه وسكاتى

وقال ايه كنت فاكر

انى لما اسافر واهاجر

هرجع محمل م الدنيا كنوز

اتارينى اتوهمت بالنفوس

وصرفت اللى حيلتى م الفلوس

وكمان مش راجع بيتى

بيسالونا حلمكم ايه

بسم الله الرحمن الرحيم

بيسالونا حلمكم ايه ... قولنا جوازه

بيسالونا ازاى وليه ... وكانها بقت الجنازه

بيسالونا بكره ف ايه ... واحنا يادوب ولاد غلابه

والله ما احنا عارفين ف ايه... غير قتل وخوف من ديابه

وكانى يابلدى ظلمتك انتى ... لما هتفت تحيا حبيبتى

سجنونى فيكى وقالولى دوق ... حريه دى ولا خزوق

بيسالونا حلمكم ايه ... سكت فجأه واترددت

طب اقول مهندس ولا ظابت... اموت ف جامعه ... ولا خابت

قلوبكم سامعه .. ولا ماتت

ولا ابو دبوره ... خلى الضمير ساكت ؟؟؟؟؟

اقولك ايه يا بلد ... وانتى ما بقى فيكى جميل

الحلو فيكى اتجلد ... واغلى ما عندك كان نيل

والجدع اسمه ولد ... الصبر فيه ذليل

وااااااااااااااااااااااااااه يا بلد

كانوا زمان يحكولنا ... عن نصر فات وانتهى

نحلم بلحظه يقولولنا ... الحرب من تانى ابتدت

نلاقى ف لحظه احلامنا ... ع سور سياسى اتحطمت

تعليم وفاسد ف كرهها ... حبيبتى برضوا هحبها

افتكروا الحلو منها

حليم واغانيه ... سيد درويش ومعانيه

اهل منطقتك وطيبتهم ... والحياه الصعبه اللى خليتهم

الجدعنه فيهم اصل ... اقرى عنها الف كتاب وفصل

لف بلاد عيش ف فيلا وقصر ... كل الدنيا ملها حصر

جنب حبيبتى ... حبيبتى يا مصر

عصيتك يارب

بسم الله الرحمن الرحيم

ياللى خلقتنى من عدم ... وفيا بيرسى الدم

كل اللى جوايا بيتهدم ... اصلى عصيتك يارب

افكار غلط مغرقانى ... ومن احزانى بعانى

الدنيا ف طريقها وخدانى ... كل يوم ف ذنب 

وشى ف الاض م كسوفى ... جسمى بيترعش م خوفى

يا سما اشهدى عليا وشوفى ... توبتى وللصلاه رجوعى

ثبتنى يارحمن ... مخطىء لانى انسان

 احمينى بالقرءان ...خلاص بتنزل دموعى

يارب انا موجوع ... سهل طريق الرجوع

خايف لانى من غيرك ... بتكسر م قله الركوع

ياغفور اسف ... بعزتك وجلالك حالف

مفيش تانى ذنوب ... ولاوامر دينى مش هخالف

قابلته صدفه ... عمر شميس

بسم الله الرحمن الرحيم

اغنيه

قابلته صدفه

عامل نفسى ناسيه

وبمثل ع كل البشر

مخبى  ليالى السهر

قلبى بيتمنى يلاقيه

ف يوم قابلته صدفه ...عيونه لقتها خايفه

تبص ف عيونى

بان عليا فجأه ...انها جوايا لجأه

ليها بقى رجعونى

مش قادر انساها ... قصدى مش عارف

اعمل نفسى ناسيها

بموت وهى معاها ... حبيب ياقلبى شايف

وبرضوا مش ناسيها

اعذرونى قولوا لقلبى

حاول عليها تقسى

لازم تعيش وتنسى

ياتموت وتخبى

انك ف يوم قابلته صدفه ... دى مبقتش حتى عارفه

لون وشكل ملامحى

دموعى خلاص فضحتنى ... ونظراتها ليا خلتنى

اتمنى اقتل جوايا جرحى

مش قادر انساها ... قصدى مش عارف

اعمل نفسى ناسيها

بموت وهى معاها ... حبيب ياقلبى شايف

وبرضوا مش ناسيها

 الشاعر

عمر شميس 

وشوش كتير

بسم الله الرحمن الرحيم

وشوش كتير

ميت الف لون .. تحت الجفون 

لون له ضحكه .. وملهوش سكه

ولون مكشر .. بس طيب

وغضبه ع تكه 

ولون مثالى .. بس عالى 

لو قابلته .. هاتلى منه حته 

لون مغرور وعايش الدور

وده فاته القطر وملوش دور 

ولون حقودى .. اسمه دودى

وملبسينه طرطور 

لون كده هادى ... شكله عادى 

ده بقى شطور 

لون غريب .. شكله عجيب

مش عاجبه حاجه 

طيب سعات ..شرس اوقات

وعايشها بسذاجه 

وشوش الناس .. الوان كتير 

وشوش غلابانه ووشوش جعانه 

مرمين وسط الوشوش 

بنلون فيهم بلون مغشوش 

حبيبنا واهلينا وقت السياسه

بننساهم وقت الفرح ليه؟؟؟

بنصنف ونخون ونأمن عشان ايه

هو احنا انهى لون ... ومين بيشوف العيون

مين بيلون فينا .. ومين بيكدب عنينا 

فرق وجمع واحكم علينا 

بس بنحكم زيك كمان ... عندنا عقل اسمه عقل انسان

هتلون قلوبنا هتكون متلون ... ومن اللى فيهم بتلون 

هتكون الضربه

معقوله

بسم الله الرحمن الرحيم

معقوله 

مكنتش متخيل حبها كده ... غيره وحنان بالشكل ده 

اضيقها واكشر تضحكلى ... تقوللى بحبك بروحى وعقلى 

اروح استخبى ف حضنها ... واسمع ف همس قلبها 

يقوللى بحبك مهما عملت فيا 

معقووووووووووله حبيت ... بعد ما لغيرها انا ضحيت 

وعشت قصه سذاجه ... جت تدينى كل حاجه 

بجـــــــــــد هدمـــــــــع .... م الفرحه ل قلبها هسمع 

هقولها صبرتى كتير اوى عليا 

مش زى كل البنات ... ف هدؤها قمه السكات 

ف كلامها اجمل افيهات ... ضحكتها بتنسينى الاهات 

اقول فيها ايه تانى 

حبيت اقولك ع اللى جوايا ... يافرحتى وعمرى وهوايا 

واقول سبحان الله ... حسيتك شريكتى ف الحياه 

من اول يوم شافتك عينى ... لقيت فيكى فرحه سنينى 

واتمنيت اقولك ع اللى حسيتــــــــــــه 

اقرى كلامى وابتسمى ... واوعى عليا كده تترسمى 

برضوا انا حته من قلبك ... والقلب البرىء اللى حبك 

ولا ف يوم تتجننى ... تترمى ف حضنى وتطمنى 

قدام الناس هقول حبيتــــــــــــــــــــــه

مش زى كل البنات ... ف هدؤها قمه السكات 

ف كلامها اجمل افيهات ... ضحكتها بتنسينى الاهات 

اقول فيها ايه تانى 

الشاعر 

عمر شميس